اسماعیلی برادری کے روحانی پیشوا اپنے پہلے سرکاری دورے پر پاکستان پہنچ گئے جہاں نے ایوانِ صدر میں ان کے اعزاز میں خصوصی عشائیہ دیا۔

معزز مہمان کی آمد پر ایئرپورٹ پر اعلیٰ حکام نے استقبال کیا، جس کے بعد وہ ایوانِ صدر پہنچے جہاں صدرِ مملکت سے ان کی خصوصی ملاقات ہوئی۔ اس ملاقات میں اور بھی شریک ہوئے۔

بعد ازاں دونوں رہنماؤں کے درمیان وفود کی سطح پر تفصیلی بات چیت ہوئی جس میں پاکستان میں صحت، تعلیم، ماحولیاتی تحفظ، ثقافتی ورثے اور کمیونٹی ترقی کے منصوبوں پر تبادلۂ خیال کیا گیا۔

صدر آصف علی زرداری نے کی پاکستان کیلئے خدمات کو سراہتے ہوئے کہا کہ آغا خان نیٹ ورک نے ملک کے دور دراز اور پسماندہ علاقوں میں فلاحی منصوبوں کے ذریعے لاکھوں افراد کی زندگیوں میں بہتری لانے میں اہم کردار ادا کیا ہے۔

صدرِ مملکت نے اس عزم کا اعادہ کیا کہ حکومت پاکستان مستقبل میں بھی آغا خان نیٹ ورک کے ساتھ تعاون کو مزید وسعت دے گی تاکہ صحت، تعلیم اور ترقی کے شعبوں میں عوام کو زیادہ سہولیات فراہم کی جاسکیں۔

پرنس رحیم آغا خان نے پرتپاک استقبال اور مہمان نوازی پر صدرِ پاکستان کا شکریہ ادا کرتے ہوئے پاکستان کے ساتھ مضبوط تعلقات برقرار رکھنے کے عزم کا اظہار کیا۔